SA pagkawala ng mga sentro ng sister teams Ginebra at San Miguel Beer, ang NorthPort ang kinukunsidera ngayong “team to watch” sa darating na 45th PBA Filipino Cup.
Ito ang personal na pananaw ni TNT coach Bong Ravena kaugnay sa pagkawala ng Ginebra at SMB bigs na sina Greg Slaughter at June Mar Fajardo, ayon sa pagkakasunod.”
Actually, NorthPort ‘yung team to watch, eh. Intact sila and with (Christian) Standhardinger. In fact, Number one center ngayon is Christian so hindi sila mahina,” sabi ni Ravena.
“Without Fajardo, pabor sa lahat. But iyung ibang teams na may malalaking lineup iyun ‘yung teams to watch. Maybe NLEX, may Magnolia pa,” dagdag niya.
Walang masasabing sentro ang TNT, na ang frontline ay kinabibilangan nina Kelly Williams, Yousef Taha, Jay Washington, Troy Rosario, Harvey Carey at Marion Magat.
“Si Kelly lang masasabing big namin. J-Wash is more of a 4. Baka si Troy ilalagay namin sa gitna. We’re not really big,” ayon pa kay Ravena.
Kaya naman pabor sa lahat ang hindi paglalaro nina Fajardo at Slaughter. “Malaking bagay for us na wala ‘yung Fajardo but we won’t take them lightly,” wika ng TNT coach.
Sa kabila nito, umaasa si Ravena na makababalik agad si Fajardo sa liga.
“While injuries are a part of basketball, he is such a big part of the PBA. I wish he was healthy and playing as you want to beat each team at its best. I hope for a quick recovery for him.”
Noong nakaraang Martes ay sumailalim sa operasyon ang five-time season MVP danhi ng fracture sa right tibia na natamo niya sa praktis ng Beermen. Inaasahang tatagal ng hindi kukulangun sa limang buwan ang kanyang pagpapagaling.
![](https://saksingayon.com/wp-content/plugins/dp-post-views/images/eyes.png)